C'era una volta l'Alifana...
Ringraziamo il nostro amico Salvatore Fioretto che ha reso omaggio alla ferrovia Alifana di una volta con una suggestiva poesia che pubblichiamo di seguito.
Quanne veco è piccerille
Ca pazzejene cu ‘e trenin
M’arricorde quanno pur’io
Pazziavo creaturiello
Cu nu treno…, overamente…,
Ca chiammavene ‘a Piedimonte!…
Stu trenino ca passave
Pochi vote ‘nta ghiurnata,
Jeva ‘a na città ‘e Caserta
Cu nu semplice bbinarie,
Ogni tante se fermata ‘int’a stazzione,
Pigliava ‘a ggente, e po se nè jeva.
Se ne jeva pe’ campagne
Verde e fresche,
Se ne jeva passanne
Sciumme e fuossa…
Era nu spettacolo a vederse!
Era comm’a na pazziella…, assaje cchiù grossa!…
Te purtave pe’ massarie e casale,
‘mmiez’ ‘a ppastene ‘e mele annurca,
pe na terra assaie gentile,
chiene d’albere ‘e giardina,
chiene ‘e sciure a pprimmavera
c’a arraccuntà nun ce se crera!…
Ma chiustu suonno duraje poco…
Dinto ‘o lasso é poco tiempo,
‘Nce fermajeno trent’anne fa,
stu trenino dint’a storia
senza scrupolo ‘e ppietà,
c’ò pretesto d’o cagnà!
Doppo che è passato ‘o tiempo,
n’atu treno mm’o ce veno,
ma è n’a fredda scatulella,
ca se sposta sotto ‘a terra,
viaggia ‘o scuro, e senza sole,
gialla e grigia, ma senza core!…
Nun ce resta che tenè ‘a mmente
comm’erano belli chilli tiempe,
quanno tutt’e piccerille d’’o paese
salutavene ‘a Piedimonte,
cu n’alleria e spensieratezza,
ca è sulo ricorde chjn‘e tristezza!...
Salvatore Fioretto
Per informazioni e contatti:info@lestradeferrate.it